最近返工搭升降機, 遇到樓上幼兒園校長, 響迫lift既時間, 吹左個"童話故事公公婆婆"活動出黎, 之後, 好快就計劃, 拍板, 落實啦~ 我覺得呢個跨代共融既活動好有意思, 大家可有想像過講故事, 對小朋友同大人既威力呢?

前日, 我同校長開始左個training俾d長者, 一開始校長就invite長者介紹自己個名, 原來, 佢地果個年代起名, 係好interesting, 有好多原因, 有d因為族譜, 有d因為對人生既期望(例如發, 興, 才...), 有d係因為要為家庭帶來福氣(例如歡, 喜.....), 有d因為要帶個細佬或細妹出黎(例如妹, 娣, 帶, 來.....), 有d因為民革(只可起花草榭木名, 要平賤既名, 例如蘭, 梅, 根, 木....), 有d因為爸爸送俾媽媽既禮物(例如媽媽鍾意玫瑰, 女的名就叫玫瑰, 係爸爸送俾媽媽的記號, 例如爸爸記得媽媽愛笑, 咁所有女仔個名就會有個"笑"字)...

每個名字, 都有其背後精彩既故事...

跟住, 校長demo一次講故事俾長者聽, 其中講左一個有關小朋友害怕黑夜既故事, 內容係小朋友以為爸爸既鼻"寒"聲係怪物既叫聲.... 呢個故事, 令我回想起細個果陣, 我都好怕黑, 有一次, 我鼓起勇氣摸黑去廁所, 因為唔夠高, 連廁所燈都開唔到, 之後我諗住快d手攪掂尿尿就返房訓, 點知, 我都未坐落個馬桶度, 就聽到一d 好怪既聲音..."架la....架la..." 而且重愈來愈近,, 當時我非常之驚, 即刻搵個窿捐,,, 突然聽到腳步聲停左, 之後"拍"一聲, 我知道怪獸黎左啦, 就即刻大叫!!! 呢個時候, 媽媽既聲音問:"做咩事呀?" 原來, 媽媽既拖鞋聲, 同埋著燈制既聲音嚇親我~~~ 呢件事, 到我而家重記得一清二楚, 因為我好怕黑, 成日夢見鱷魚同怪獸....

校長話, 好多小朋友聽呢個故事都好肉緊, 表情十分認同故事既小朋友經歷, 而且重會講好多佢地怕黑既經驗, 佢重話, 可以同佢地作d 故事, 唔駛跟書tim~ 到我成廿幾歲人, 而家先識到校長講呢個故事, 舒緩番我既情緒,, 唉,, 真係一句"相逢恨晚"呀~~

後記:

完左個training 之後, 我同校長閑談, 問佢作故事呢part, 我話佢知, 我個姨甥仔軒軒以前同我一齊作故事, 重要係有關"屎尿屁"有無問題? 原來係好ok, 因為細佬最鍾意講呢d, 唔好怕核突, 反而大家無所不談一齊笑下, 會增進大家既感情tim~ 所以, 如果有時間既話, 可以去我呢個blog既尾一首歌, 即係第15首, 聽下軒軒3-4歲時講既"鼻涕虫"故事呀~ 一直以來, 我都好鍾意呢個故事架~^0^